Միջոցառումներ

2025թ. հուլիսի 3-ին Գյումրիում տեղի ունեցավ զբոսաշրջային ինֆորմացիոն կետերի պաշտոնական բացման միջոցառումը։

Ծրագիրը նպատակ ունի բարելավել քաղաքի զբոսաշրջային ենթակառուցվածքները, ինչպես նաև ապահովել տեղեկատվության հասանելիությունը Գյումրի այցելող զբոսաշրջիկների, տեղական բիզնեսների և համայնքային ներկայացուցիչների համար։

Ինֆորմացիոն կետերը ստեղծվել են Գյումրիի երեք կարևոր ուղղություններում՝

Բարեկամության զբոսայգում

Ասլամազյան քույրերի պատկերասրահում

Լեո Կերամիկս արվեստանոցում

Ծրագիրն իրականացվում է «Հայաստանի զարգացման նախաձեռնություններ» (IDeA) հիմնադրամի կողմից՝ իր զբոսաշրջային և քաղաքաշինական պլատֆորմի՝ TUF հիմնադրամի միջոցով։ Այն կյանքի է կոչվում ՄԱԿ-ի Զարգացման ծրագրի կողմից իրականացվող և Եվրոպական միության կողմից ֆինանսավորվող «Համայնքի ղեկավարները հանուն տնտեսական զարգացման» (M4EG) տարածաշրջանային ծրագրի շրջանակում։

Նախաձեռնությունն ուղղված է Գյումրիի զբոսաշրջային ներուժի զարգացմանը, քաղաքային միջավայրի բարելավմանը, ինչպես նաև մշակութային և համայնքային ներառականության խթանմանը։