Այգում առաջարկվող համայնքային կառավարման դասընթացը նպատակ ունի մասնակիցներին ապահովել մասնագիտական ոլորտի նոր գիտելիքով և իրենց դրսևորելու հմտություններով: Դասընթացի շրջանակում ուսուցանվում են համայնքների առաջխաղացման և համայնքների ներկայացուցիչների հետ երկարաժամկետ հարաբերությունների կառուցման տեխնիկաներ, որոնք կարող են նպաստել այգու կազմակերպչական աշխատանքներին:
Ծրագրի հիմնանպատակը տեղի բնակիչների համար այգու վարչական բաժնում աշխատանքի անցնելու հնարավորության ստեղծումն է և մասնակիցների մասնագիտական զարգացումը: Դասընթացի մասնակիցները յուրացնում են լսարանի հետ արդյունավետ շփման և այգու այցելուներից ու տարածքի բնակիչներից ստացվող հետադարձ կապի ուսումնասիրման մեթոդներ: Նրանք նաև հմտանում են այգու ներուժի զարգացման նպատակով կարճաժամկետ և երկարաժամկետ նախագծերի մշակման և «այգու բարեկամների» համայնքի ձևավորման գործում:
Բացի այդ, ծրագրի շրջանակում ուսուցանվում են համայնքներին աջակցության նպատակով ծրագրային ապահովման կոնտենտի ստեղծման հմտություններ:
Մենք անում ենք համայնքի համար
Համայնքային կառավարման դասընթացը հիանալի հնարավորություն է ոլորտով հետաքրքրվողների համար՝ ձեռք բերելու նոր գիտելիք և ընտրված ուղղությամբ լիարժեք մասնագիտանալու: Ծրագրին մասնակցության շնորհիվ կարելի է զարգացնել համայնքային կառավարիչ դառնալու համար անհրաժեշտ հմտությունները և այգու կազմակերպման գործում ունենալ սեփական ներդրումը:
