Այգու գեղատեսիլ անկյուններում գործող սրճարաններում կարելի է բացառիկ զգացողություններ ապրել՝ հայկական խոհանոցի ուտեստների համտեսումը համադրելով մշակութային քննարկումների հետ:
Սրճարանն ունի երեք սրահ, որոնք ստեղծված են այնպես, որ դրանց հարդարանքը ներդաշնակի շրջակայքի բնությանը: Հսկայական՝ հատակից մինչև առաստաղ ձգվող պատուհաններից բացվում է գեղեցիկ տեսարան՝ այնպես, կարծես մարդու և բնության միջև ոչինչ չկա, իսկ սեղանները դասավորված են այնպես, որ այցելուներն իրենց բնության մի մասնիկ զգան:
Սրճարանի գլխավոր սրահը բեմահարթակի հետ միասին կենտրոնական հրապարակի մաս են կազմում: Սրճարանի գաղափարի հիմքում այցելուների մոտ այնպիսի տպավորություն ստեղծելն է, կարծես իրենք նստած են անմիջապես հրապարակում՝ ծառերի խիտ սաղարթի ստվերում: Թեև սրճարանում միայն ըմպելիք, պատրաստի սենդվիչներ և թխվածք է մատուցվում, այստեղ մթնոլորտն ու ընդհանուր տրամադրությունն այնպիսին են, կարծես մատուցվածը բացառիկ բաղադրատոմսերով պատրաստված ուտեստ է:
Սրճարանի երեք սրահներն ունեն միանման հատակագիծ և ճակատամաս, սակայն տարբեր են իրենց ձևավորմամբ, ինչի շնորհիվ սրճարան յուրաքանչյուր այցելություն բացառիկ փորձառություն է դառնում:
Քո համեղ փորձը
Այգու տարածքում գործող այս ռեստորանը խոհարարական արվեստն ու մշակույթը գնահատողներին անմոռանալի տպավորություններ է պարգևում: Հայ խոհարարների վարպետաց դասերից մինչև տարբեր թեմաների հետաքրքիր քննարկումներ. այցելուները կարող են վայելել խոհարարական արվեստը և մշակութային բացահայտումներով լեցուն հանդիպումները: Բնության հետ ներդաշնակեցված երեք սրահում կարելի է զգալ անկրկնելի համեր, որոնք երկար ժամանակ կմնան ձեր հիշողություններում:
